Visita del Centro Cultural de Macau a Galicia - 'Da Lei Paz Andrade ás relacións da Galicia e España coa lusofonía: o caso Macau' en A Coruña - 28/10/2025

Visita del Centro Cultural de Macau a Galicia - 'Da Lei Paz Andrade ás relacións da Galicia e España coa lusofonía: o caso Macau' en Facultad de Ciencias de la Educación - UDC

• Do 27 ao 31 de outubro de 2025, unha delegación do Centro Científico e Cultural de Macau (CCCM) desenvolverá unha intensa axenda de traballo en diferentes cidades galegas —Pontevedra, A Coruña, Ferrol, Santiago e Vigo— para fortalecer os lazos institucionais, académicos, económicos e culturais entre Galicia e Portugal.
• As actividades enmárcanse nun proxecto de mobilidades Erasmus+, co apoio de ducias de persoas e entidades galegas.
• O Centro Científico e Cultural de Macau (CCCM), institución dependente do Ministerio de Ciencia, Tecnoloxía e Ensino Superior de Portugal, ten por misión producir, promover e divulgar coñecemento sobre Macau como plataforma entre Portugal e a República Popular da China, así como entre Europa e Asia.
• A súa delegación, composta por 19 persoas —encabezadas pola presidenta Carmen Mendes— inclúe traballadoras e traballadores do propio centro, técnicas e técnicos do museo, así como doutorandas e doutorando en estudos asiáticos.
• Durante cinco días, a delegación participará nun amplo programa de encontros institucionais e académicos que inclúe as tres universidades galegas, representantes da Xunta de Galicia, dos concellos de Pontevedra, A Coruña, Ferrol e Santiago de Compostela, así como a celebración dunha serie de Obradoiros abertos ao público, centrados nas relacións históricas e contemporáneas entre Galicia, Portugal, a lusofonía e a China.
• Os Obradoiros, de participación aberta mediante inscrición, serán espazos de diálogo entre académicas, estudantes e profesionais interesados na proxección internacional galega e na cooperación UE–China–lusofonía.