As Pontes prepárase para vivir un Nadal único, no que a cultura, o lecer e as tradicións se combinan para encher cada recuncho da vila de luz, alegría e creatividade.
Desde espectáculos familiares e concertos ata teatro, cine, pasacalles e maxia, a programación está pensada para que toda a comunidade participe e disfrute destas datas tan especiais, promovendo a convivencia e facendo da vila un espazo de encontro e celebración.
Durante todo o mes, a Casa Dopeso ofrecerá unha completa carteleira de cinema, con películas para todos os gustos e idades, incluíndo animación, drama, fantasía, cine europeo e sesións neurodiversas.
Entre os títulos destacados atópanse Olivia y el Terremoto Invisible, Siempre es invierno, Wicked – Parte II, Golpes, Núremberg, 100% Wolf: Pequeño Gran Lobo e Blue Moon, cunha ampla variedade de horarios ao longo do mes.
As entradas poden adquirirse en https://aspontes.sacatuentrada.es ou na billeteira unha hora antes de cada función.
Con este completo calendario, As Pontes consolídase como un referente de dinamización cultural durante o Nadal, converténdose nun espazo de encontro, diversión e celebración para toda a cidadanía, onde grandes e pequenos poden vivir a maxia destas festas con intensidade e ilusión.
Programación
Xoves, 4 de decembro
18:00 horas - Obradoiro Creativo “Bolsas de tecido personalizadas”
Comeluz na Biblioteca Municipal
Esta actividade permitirá aos nenos e nenas explorar a súa creatividade e aprender de forma práctica e divertida.
Venres 5 de decembro
19:30 horas - Acendido da iluminación de Nadal
Parque Municipal
Momento esperado pola veciñanza que simboliza a chegada da maxia destas festas.
20:00 horas - Espectáculo familiar “Soño” de Uxía Lambona e a Banda Molona
Auditorio Municipal Cine Alovi
Apto para todos os públicos, un show que mestura música, emoción e fantasía, enchendo de ilusión o corazón dos asistentes.
Xoves 11 de decembro
18:00 horas - Obra “Voo” na Casa Dopeso
Teatro ó Cubo
Un espectáculo de 45 minutos recomendado para nenos a partir de tres anos, pensado para estimular a imaxinación e o sentido do marabilloso nos máis pequenos.
Venres 12 de decembro
20:00 horas - Concierto de Nadal de Orfeón Xoán Montes de Lugo e as Rondallas Semente Nova e Vila das Pontes
Casa Dopeso
Unha cita imprescindible para sentir a música tradicional e coral do Nadal.
Sábado 13 de decembro
16:30, 18:00 e 20:30 horas - Gala benéfica das escolas de baile moderno e danza clásica “Jotham, a cidade do Joker”, en favor de ASPANAES
Auditorio Municipal Cine Alovi
Esta gala promete emoción, danza e talento sobre o escenario, nun evento solidario que combina cultura e compromiso social.
Martes 16 de decembro
17:00 horas - Concerto Pequenadal do Conservatorio de Música das Pontes
Auditorio Municipal Cine Alovi
Ofrece aos máis pequenos e pequenas da cada a oportunidade de gozar da música clásica nun formato adaptado á súa idade
Mércores 17 de decembro
19:00 horas - Concerto de Nadal da Escola Municipal de Acordeóns
Casa Dopeso
Unha cita que amosa o talento musical local e a tradición instrumental do Nadal.
Xoves 18 de decembro
18:00 horas - Espectáculo familiar “No Nadal toca... Maxia” de Sara Rodríguez
Casa Dopeso
Mestura humor, ilusión e participación do público.
19:00 horas - Concierto de Conxuntos del Conservatorio de Música das Pontes
Auditorio Municipal Cine Alovi
Unha mostra da diversidade musical que se forma na vila e do talento das e dos seus alumnos.
Venres 19 de decembro
18:00 horas - Picariños ofrecerá “A Maxia do Nadal”
Casa Dopeso
Pensado para nenos de 2 a 8 anos, unha experiencia lúdica e máxica que conecta aos máis pequenos co espírito destas festas.
Sábado 20 de decembro
18:00 horas - Baile de Nadal da Orquestra Os Satélites
Patio do Colexio Santa María
Un momento de música e danza aberto a toda a veciñanza.
Domingo 21 de decembro
19:00 horas - IV Gala Internacional de Ilusionismo “As Pontes ten Maxia”
Auditorio Municipal Cine Alovi
Contará coa participación de destacados magos internacionais como Mago Murphy (Madrid), Dania Díaz (Venezuela), Peio Rivas (Bilbao), Edama (Logroño) e Bonjin Koo (Corea do Sur), garantindo unha noite de sorpresas, emoción e maxia para todas as idades. As entradas teñen un prezo de 10 euros e poden adquirirse en https://aspontes.sacatuentrada.es/.
Do 22 ao 30 de decembro e o 2 de xaneiro
Entre as 16:30 e as 20:30 horas - Tempo de Nadal
Patio do Colexio Santa María
Destinado a todos os públicos. Este programa ofrece actividades e espazos pensados para fomentar a creatividade, a diversión e o xogo en grupo, con zonas como Rolly Toys, Cocina con SuperThings, Circuito Carrera, Playmobil e un Evento Pirata, garantindo unha experiencia lúdica segura e inesquecible durante estas datas tan especiais.
Martes 23 de decembro
19:30 horas - Concerto de Nadal da Banda Escola de Música das Pontes
Auditorio Municipal Cine Alovi
Xoves 24 de decembro
12:30 e as 14:00 horas - Charanga Os Celtas
Sábado 27 de decembro
18:00 horas - Xampatito Pato presentará o espectáculo “Compaña”
Auditorio Municipal Cine Alovi
As entradas teñen un prezo de 3 euros e poden adquirirse en https://aspontes.sacatuentrada.es/.
Martes 31 de decembro
12:30 e as 14:00 horas - Charanga Carmiña animará as rúas
Sábado 3 de xaneiro
23:00 horas - Grupo Origen ofrecerá o tradicional Baile de Reis
Patio do Colexio Santa María
Domingo 5 de xaneiro
18:00 horas - Cabalgata de S.S.M.M. os Reis Magos
Rúa Monte Caxado
Culminará coa Recepción Real no Auditorio Municipal Cine Alovi, un momento cheo de ilusión para os máis pequenos e para toda a familia.
