Conversación 'A voz das mulleres na plástica galega do século XX' de Beatriz Álvarez Noia en Agrupación Cultural Alexandre Bóveda - A Coruña
O mércores 10 de setembro, ás 19.30 h, a xestora cultural e historiadora da arte, Beatriz Álvarez Noia, falaranos da voz das mulleres na plástica galega do século XX.Esta palestra fai parte do ciclo Visionarte: Arte contemporánea galega baixo ollos de Muller.
A historia da arte, tal e como foi transmitida pola tradición historiográfica consolidou uns códigos simbólicos e discursivos que favoreceron o protagonismo da figura do artista masculino, excluíndo sistematicamente ás mulleres dos principais movementos artísticos.
Esta exclusión non deriva dunha natureza feminina esencial nin dunha suposta falta de talento creador, senón das funcións sociais e das limitacións impostas polas estruturas patriarcais e polos sistemas educativos que, durante séculos, relegaron ás mulleres ao ámbito privado.
Como sinalou Linda Nochlin no seu ensaio fundacional Why Have There Been No Great Women Artists?(1971), a marxinación das creadoras foi consecuencia dun marco institucional e cultural que lles negou o acceso á formación, ás academias e aos espazos de visibilidade pública.
A historia da arte tradicional silenciou ás artistas e configurou unha mirada androcéntrica que determinou que obras, estilos e nomes eran considerados dignos de ser lembrados, mais agora é imprescindible construír unha historia da arte máis inclusiva, plural e xusta.
Debemos contribuír á reconstrución desta historia ausente, visibilizando e revisando o papel desempeñado polas artistas galegas ao longo do tempo.
