Conferencia 'Do asfalto á area: a renaturalización da duna de Santa Cristina' en Ferrol - 12/12/2025

Conferencia 'Do asfalto á area: a renaturalización da duna de Santa Cristina' en Concello de Ferrol

• Temos o gusto de anunciar a seguinte conferencia Do asfalto á area: a renaturalización da duna de Santa Cristina o venres 12 de novembro ás 19:30, organizada pola Delegación de Ferrol da SGHN, dentro do ciclo de Xuntanzas Naturalistas, e conta, como todas elas, co patrocinio da Deputación da Coruña.
• A conferenciante é Noelia Pereira Álvarez, licenciada en bioloxía, máster en Enxeñería ambiental e actualmente realizando a súa tese doutoral na Universidade de Santiago de Compostela co título "Biodiversidade, ecoloxía e conservación das comunidades de plantas en ecosistemas dunares de Galicia".
• A duna de Santa Cristina, situada nun enclave turístico próximo á Coruña, constitúe un exemplo emblemático de recuperación dun ecosistema dunar urbano.
• Esta praia, formada por unha frecha de area, estaba orixinalmente constituída por unha duna vexetada, pero sufriu importantes alteracións desde mediados do século XX debido á construción de edificacións e ao uso intensivo humano, acompañadas da perda de area pola modificación das correntes costeiras asociada aos diques.
• Nas últimas dúas décadas, con todo, obsérvase unha recuperación significativa da vexetación dunar e a duna mantense activa, evidenciando que, ao eliminar os impactos antrópicos, os procesos naturais poden restaurar os ecosistemas de forma espontánea.
• Este caso ilustra o potencial da renaturalización como estratexia de conservación e recuperación ambiental, en consonancia coas directrices europeas que promoven o desenvolvemento sostible, a restauración de hábitats naturais e a resiliencia dos ecosistemas costeiros, mostrando que é posible conciliar a recuperación ecolóxica co valor socioeconómico e turístico dun entorno de grande relevancia