Concierto 'Kurt Weill: os sete pecados capitais' en Centro Ágora de A Coruña
style="font-weight: 400;">O Conservatorio Superior de Música da Coruña impulsa un novo proxecto artístico interdisciplinar en colaboración con diversas institucións educativas Tras o grande éxito acadado coa ópera Le villi, na que se esgotaron as entradas en tan só dous días, o Conservatorio Superior de Música da Coruña, en colaboración coa Escola Superior de Arte Dramática de Galicia e a Escola de Imaxe e Son da Coruña, presenta un novo proxecto de sinerxías artísticas educativas. A estrea terá lugar o próximo 26 de febreiro no Ágora da Coruña, cunha posta en escena de Os sete pecados capitais de Kurt Weill, unha peza que combina música, teatro e artes visuais.
style="font-weight: 400;">O evento incluirá ademais a actuación da Banda Sinfónica do CSM da Coruña, que interpretará obras de Eric Whitacre e Philip Sparke, complementando as diferentes expresións musicais e escénicas que se darán cita no concerto. Esta iniciativa consolidase como un proxecto multidisciplinar de referencia, reforzando o traballo conxunto entre institucións para enriquecer a formación dos estudantes e promover a creación artística.
style="font-weight: 400;">Con este novo evento, o Conservatorio reafirma o seu compromiso coa formación artística de calidade e a internacionalización do talento galego. Ademais, xa se avanza que en xuño verá a luz unha nova produción: a zarzuela Luisa Fernanda.
