Concierto de Arapucagongon - Maré Festival 2026 en Sala Riquela - Santiago
O neoloxismo Arapucagongon é a suma de “Arapuca”, trampa en brasileño, e “Gongon”, unha pantasma e tamén o nome dun paxaro en Cabo Verde.
Baixo esta metáfora nace o dúo formado por John Douglas e Henrique Silva, músicos ubicados en Lisboa, onde estableceron a súa base musical para afondar nos lazos entre o latexo da samba carioca e o ADN musical da lusofonía co latexo africano que caracteriza ás melodías e ritmos de Cabo Verde.
A partir desta mestura, a brebaxe resultante estende os brazos ao rap e tamén á psicodelia electrónica retrofuturista típica dos anos sesenta.
A fórmula final deriva nun caleidoscopio de excitante incerteza e atmosferas de batuque polirrítmica que flúen a través dun festival sonoro arraigado na saudade procedente da melancolía tipicamente brasileira.
Agardamos por vós o vindeiro xoves 24 de setembro na Sala Riquela.
